Апошнія манеты ВКЛ

Грош польскі (1765)

Маскве. Як вядома, там хутка распачаўся выпуск іншай акупацыйнай манеты, які ўвайшоў у гісторыю расейскай нумізматыкі як «тинфовое дело». Гэтыя манеты амаль не трапілі на беларускія рынкі. А вось каралявецкія шастакі 1706 года былі распаўсюджаныя. Але, як мы ведаем са сведчанняў Эразма Атвіноўскага, і тыя выклікалі людское абурэнне і былі неўзабаве адкліканыя з абарачэння.

Гэткая недалужная спроба эмісіі шастакоў, распачатая з чужое ласкі, сталася апошняй у гісторыі манетнай справы Вялікага княства Літоўскага. Паступовая страта незалежнасці старажытнабеларускага гаспадарства, што асабліва яскрава праявілася ў канцы XVII стагоддзя, калі справаводства было пераведзена з беларускае мовы на польскую, паланізацыя шляхты праз касцёл і страта механізмаў кіравання дзяржавай спрычыніліся да заняпаду і гэтага яе інстытуту ў пачатку XVIII стагоддзя.

Траяк польскі (1766)

З абраннем у 1764 годзе на каралеўскі і велікакняскі пасады шляхціца з Берасцейшчыны Станіслава Аўгуста Панятоўскага скончыўся «саскі» (саксонскі) перыяд у гісторыі Рэчы Паспалітае. Вецціны пакінулі грашовую сістэму гаспадарства ў жахлівым стане, краіна была залітая замежнай і фальшывай манетай. Фактычна, рэгулярнага выбіцця манеты на тэрыторыі краю не было ажно з 1685 года. Малады кароль горача жадаў забяспечыць дзяржаву добрай уласнай манетай пекнага выгляду. Будучы абазнаным у манетнай справе і маючы свой нумізматычны збор, Станіслаў Аўгуст адкрыў манетныя двары ў Кракаве і Варшаве ўжо ў першыя гады свайго кіравання. Вытворчасць манеты вярнулася ў Польшчу, але не на землі Вялікага княства.

Траяк польскі (1781)

У 1768 годзе скарбовая камісія Вялікага княства пастанавіла арганізаваць манетны двор у Горадні для заспакаення патрэбаў краю ў гатовай манеце. Быў прыняты праект Гартэнберга-Садагорскага, дзяржаўцы польских манетных двароў. Ён пачаў быў рэалізоўвацца ўжо ўвосень 1768 года — было адведзена месца пад манетны двор і нават завезена абсталяванне. Аднак да камісіі дайшлі звесткі, што Гартэнберг у Варшаве пагарджае сваім абавязкам біцця срэбнае манеты і вырабляе, для свайго прыбытку, ледзьве не толькі медзяную.

Зараз на сайце

Зараз на сайце 2 гостя.

Лічыльнікі

Rating All.BY

Статыстыка

-