Кампактную і не вывучаную пакуль групу падробак з адзіным «почыркам» складаюць медныя наследаванні літоўскім шэлегам Яна Казіміра ўзору 1652 года. Вядомы шэраг манет падобнага стылю, якія адзначаюцца тым, што пры пісьменна выкананых легендах яны маюць у канцы легендаў выдуманыя фантастычныя даты — 18,155,1556.

3 навуковага і калекцыянерскага пунктаў гледжання тагачасныя падробкі надзвычай цікавыя для вывучэння і збірання. Нярэдка мудрагелістыя фальсіфікаты выбіраюцца калекцыянерамі за галоўную тэму збірання, а навукоўцам дапамагаюць развязаць пэўныя загадкі гісторыі.