Фальсіфікацыя манет

Свідніцкія паўгрошы. У 1517 годзе кароль венгерскі і чэшскі Людвік, Ягайлавіч з чэшскай лініі гэтай дынастыі, распачаў выбіццё нізкаякасных пераймальных паўгрошаў у сілезскай Свідніцы. Гэтыя паўгрошы наследавалі дызайну паспалітай, фактычна, асноўнай манеты абарачэння Каралеўства Польскага, таксама добра знаёмай і на Літве — паўгроша Жыгімонта Старога ўзору 1507—1511 гадоў, але месцілі на 10% меней серабра.

Тагачасныя падробкі шэлегаў Стэфана Баторыя

Адзінае адрозненне між гэтымі манетамі складалі легенды, што не мела значэння ў эпоху яшчэ паўсюднай непісьменнасці. Так, пры роўным рынкавым курсе паўгрошаў, якія паспалітаму люду немагчыма было адасобіць, каралеўскі скарб страчваў 10% вартасці ў кожнай манеце. На шматлікія просьбы Жыгімонта перапыніць эмісіі ці хаця б змяніць дызайн сілезскіх паўгрошаў сваяк не рэагаваў. Інтэнсіўнай дзейнасці ў манетнай справе не зашкодзіла нават смерць Людвіка ў 1526 годзе.

Абцяты траяк Літоўскі (1593)

Дзяржаўцы Свідніцкага манетнага двара, прадчуваючы хуткае згортванне вытворчасці, прычыніліся да паскарэння працы дзеля хутчэйшага атрымання прыбытку. Толькі ў 1528 годзе манетны двор быў зачынены дэкрэтам наступцы Людвіка на чэшскім пасадзе Фердынандам з дынастыі Габсбургаў.

Польскі паўгрош (1509)

Цікава, што папулярная польская манета штурхнуда на выбіццё перайманняў не толькі апошняга чэшскага Ягайлавіча. Падобныя паўгрошы спрабаваў эмітаваць і Ога, гаспадар графства Рытберг (1516— 1535). У мясцовай сістэме наміналаў гэтая манета мела курс у чвэрць шэлега.

«Пасмяротны» свідніцкі паўгрош Людвіка (1527)

Шэлегі і паўтаракі шведскія Вазаўскіх часоў. У другой палове XVI стагоддзя ў шведскім грамадстве стала папулярнай ідэя пераўтварэння Балтыйскага мора ва ўнутранае «шведскае возера». Гэта дазволіла б Швецыі стаць дзяржавай нумар адзін на поўначы Еўропы, кантралюючы ўвесь балтыйскі міжнародны гандаль. Перашкаджалі амбітным планам нашчадкаў вікінгаў гаспадарствы, што ўжо валодалі ці мелі віды на гэтыя абшары — Данія, Рэч Паспалітая, Расія.

Зараз на сайце

Зараз на сайце 3 гостя.

Лічыльнікі

Rating All.BY

Статыстыка

-