Першыя беларускія рублі

У Вільні тым часам
пачалося выбіццё новага тыпу манет — «Калюмны»/«Пагоня». З'яўленне
дзяржаўнага герба ВКЛ на манетах Вітаўта можна звязаць з атрыманнем ім
афіцыйнага тытула вялікага князя ў 1401 годзе.


Контрамаркаваны «Калюмнамі» генуэзскі аспр

Для выразання новых штэмпеляў
у Вільню былі запрошаныя найлепшыя майстры. Падабенства стылю са смаленскімі
пенязямі, а таксама высокая якасць выканання першых манет гэтага тыпу дазваляе
меркаваць, што яны былі зробленыя тымі ж манетнымі майстрамі, што працавалі ў
Смаленску На адным баку гэтых манет выяўлены «Калюмны», абведзеныя па контуры,
а на другім — «Пагоня», павернутая ўправа, вакол яе знакі манетнага майстра:
чатырохліснік і трыліснік. Падобна, што на працягу выбіцця гэтых пенязяў
Вітаўтам была праведзеная манетная рэформа, звязаная з паніжэннем пробы
пенязяў, што кампенсавалася павелічэннем утрымання лігатуры. Гэтыя манеты
біліся нядоўгі час. Пазней выбіццё гэтага ж тыпу пенязяў узнавілася, хоць і
выглядалі яны ў драбніцах інакш. На новыя манеты «Калюмны»/«Пагоня»
былі змешчаныя знакі іншага кшталту, якія знаходзіліся ўжо ўзбоч
«Калюмнаў», а не «Пагоні». Дзяржаўны герб Вялікага княства мае так званы
«архаічны» выгляд. Ёсць цэлая група падтыпаў, якія розняцца паміж сабой толькі
знакамі манетных майстроў. Гэтыя знакі з-за няякасных адбіткаў і нізкага
мастацкага ўзроўню выканання штэмпеляў часта прымаюцца за гатычныя літары.
Насамрэч дакладна ідэнтыфікуецца толькі літара «К».

З прычыны падабенства
ўсіх гэтых знакаў і наогул саміх манет слушнай здаецца выснова, што гэтыя пенязі
біліся не надта доўгі час, наўрад ці болей за 10 гадоў. У цэнтры «Калюмнаў»
сустракаецца толькі адна гатычная літара 0 плюс невядомы знак Ц. Таму найбольш
верагодна, што знак у цэнтры «Калюмнаў» быў знакам (у першым выпадку ініцыялам)
дзяржаўцы манетнага двара, а пабочныя знакі выкарыстоўваліся як умоўныя
абазначэнні для кантролю за якасцю прадукцыі манетнага двара.

Манеты «Калюмны»/«Пагоня»
апошніх падтыпаў знаходзяць у скарбах з заходнееўрапейскімі манетамі,
бітымі пераважна ў 1420-ыя гады, і амаль ніколі (за адзіным выняткам) — з
папярэднім тыпам «Калюмны» / Наверша дзіды з крыжам, што
дазваляе дапусціць пэўны перапынак у грашовай вытворчасці Вялікага княства ў
пачатку XV стагоддзя.

Зараз на сайце

Зараз на сайце 1 гость.

Лічыльнікі

Rating All.BY

Статыстыка

-