Развіцце грашовых сістэм

Пасля прыезду ў
Галіччыну Уладзіслава Апольскага ў 1385 годзе біццё рускіх паўгрошаў
аднавілася, і яны зноў пачалі паступаць на Падолле ў значнай колькасці. У гэтых
умовах эмісіі грошыкаў Канстанціна страчвалі эканамічную мэтазгоднасць і,
відаць, былі спыненыя.


Грошык львоўскі Казіміра Вялікага

З грамат вялікага
князя Вітаўта 1418—1429 гадоў вядома пра існаванне так званых «падольскіх
паўгрошкаў». У гэтым выпадку мы маем справу з цікавым замяшчэннем паняткаў на
працягу нейкіх сарака гадоў. Грошыкі Канстанціна былі падольскімі, і лагічна
было б дапусціць, што ў граматах Вітаўта ўпамінаюцца менавіта яны.


Грошык львоўскі Людвіка

Аднак там ідзе
гутарка пра значныя сумы парадку 60—100 грыўняў, манет жа Канстанціна на сёння
вядома толькі пяць экзэмпляраў. Вельмі рэдкія знаходкі грошыкаў Канстанціна
сведчаць аб нязначнасці эмісіі. За такі тэрмін ягоныя манеты не маглі
працягваць курсаваць на Падоллі ў якасці найбольш распаўсюджаных манет. Такім
чынам, летапісныя «падольскія паўгрошкі», верагодна, насамрэч — галіцкія
грошыкі Гэта пацвярджаюць шматлікія іх знаходкі як на Галіччыне, дзе яны
эмітаваліся, так і на суседнім Падоллі.


Грошык львоўскі Уладзіслава Апольскага

Гісторыя эмісій
галіцкіх (рускіх) грошыкаў уяўляе сабой надзвычай важны складнік гісторыі
зараджэння развітых грашовых сістэм на Русі ў XIV
стагоддзі. Нягледзячы на тое што гэтыя манеты біліся ад імя польскіх
каралёў, галіцкая сістэма заставалася адасобленай ад польскай да 1401 года,
калі Львоўскі манетны двор перайшоў на выбіццё паўгрошаў па польскай стапе. З
гэтага часу грашовая сістэма Галіччыны губляе сваю адметнасць.


Пул львоўскі Людвіка

Вернемся да пачаткаў
апанавання гэтак званай Чырвонай Русі палякамі. У 1349 годзе адбылася выправа
караля Казіміра Вялікага на Львоў, па якой Галіцка-Валынскае княства канчаткова
перастае існаваць. Да 1352 года вядзецца несупынная вайна за Галіччыну паміж
Польшчай, Венгрыяй і Вялікім княствам Літоўскім.


Грошык львоўскі Ягайлы

Зараз на сайце

Зараз на сайце 0 наведвальнікаў.

Лічыльнікі

Rating All.BY

Статыстыка

-