Развіцце грашовых сістэм


Пенязь літоўскі Ягайлы тыпу ТВАР/ЛЕЎ (каля 1387-1388 гадоў)

Такім чынам
абвяргаліся довады галоўнага на той час ворага ВКЛ — Ордэна рыцараў Дзевы Марыі
— аб схізме ці нават паганскасці велікакняскай улады, што часта былі зачэпкай
для нападаў на беларускія землі. Тым не менш існуюць версіі аб прыналежнасці
партрэтнай выявы польскай каралеве Ядвізе ці нават Ягайлу. Першыя партрэтныя
пенязі з лацінамоўнай легендай хутка былі замененыя новымі, з імітацыяй легенды
і стылізаваным тварам. Гэтак, верагодна, запрошаныя з Заходняй Еўропы майстры
нядоўга папрацавалі ў Віленскім манетным двары, ізноў саступіўшы месца мясцовым
кадрам.

Пенязь
літоўскі Ягайлы тыпу ТВАР/ГЕРБ КНЯЗЯ (каля 1387—1388 гадоў)

Унікальная партрэтная
манета паходзіць з-пад старажытных Гальшанаў. На ёй замест ільва паўстала
першая, не самая ўдалая спроба выявы геральдычнага сімвала заходняга кшталту —
падвойнага крыжа, асабістага герба Ягайлы. Ён змешчаны ў нетыповай
чатырохкутнай тарчы, канцы крыжа выходзяць за яе межы да абводкі. Нягледзячы на
заходні генэзіс гэтага сімвала як геральдычнага, ягонае выкананне яшчэ цалкам
«рускае», няправільнае з геральдычнага пункту гледжання. Наўкол герба кірылічны
надпіс, з якога чытаецца тры літары — ЯГА. Гэты тып адносяць да
эмісій Ягайлы каля 1388 года.


Пенязь літоўскі Ягайлы тыпу «ПАГОНЯ»/ГЕРБ КНЯЗЯ, падтып з «класічнай»
«Пагоняй», перыяд трэці

На працягу таго ж
перыяду выбіваўся і шэраг манет з іншымі матывамі. Пры раскопках Віленскага
Дольняга замка былі выяўленыя дзве манеты з ільвом з аднаго боку і «ягелонскім»
арлом — з другога. Гэткі сімвал замясціў «пястаўскі» тып арла ў якасці
дзяржаўнага герба Польшчы ўжо ў самым пачатку ўладарання Ягайлы, што добра
відаць з параўнання польскіх манет Ядвігі і Ягайлы. Адзінае відавочнае
адрозненне ад герба «саюзнай дзяржавы» складала тое, што на вялікалітоўскай
манеце арол паўстаў без кароны. Намінал гэтай манеты немагчыма вызначыць, бо
абодва знойдзеныя экзэмпляры пашкоджаныя, таму пакуль няма падставаў
сцвярджаць, што з'явіўся нейкі новы гатунак манет. Краіна працягвала эмітаваць
выключна пенязі.


Пенязь літоўскі Ягайлы тыпу «ПАГОНЯ»/ГЕРБ КНЯЗЯ, падтып з «архаічнай»
«Пагоняй», перыяд трэці

Зараз на сайце

Зараз на сайце 0 наведвальнікаў.

Лічыльнікі

Rating All.BY

Статыстыка

-