Талеры на Беларусі

У Нідэрландах паходжанне талера ад залатога
фларына ці дуката адбілася ў асаблівых найменнях гэтае манеты — дукатон ці
зільбэрдукат. Аднак гэта былі толькі адны са шматлікіх «талеравых» гатункаў
Нідэрландаў, калі мець на ўвазе талер як асноўны буйны срэбны намінал. Гэтак,
дукатоны пазней дасягнулі курсу ў 60 стуйвэраў (дробная галандская манета).
Паўднёванідэрландскія кроненталеры адпавядалі 54 стуйвэрам, рыксталеры
Паўночных Нідэрландаў каштавалі 50 стуйвэраў, а двухгульдэнаўкі (кароны) мелі
курс у 40 стуйвэраў. Нідэрландскія талеры належаць да найбольш распаўсюджаных
талераў у грашовым абарачэнні беларускіх земляў у канцы
XVI — пачатку XVIII
стагоддзя.


Талер брандэнбургскі (1591)

У 1535 годзе быў
уведзены гульдэнгрош у Даніі, які адпавядаў традыцыйным тром дацкім маркам.
Дваццаццю гадамі пазней, пры зніжэнні якасці серабра ў драбнейшых манетах,
дацкія талеры набылі курс у 4 маркі. Ардынацыяй 1602 года ў Даніі ўводзіліся
даволі незвычайныя залатыя наміналы, што адпавядалі чатыром, шасці і васьмі талерам.
Такім чынам, у адрозненне ад іншых краін, Данія выпусціла не традыцыйны залаты
грашовы гатунак у серабры, а наадварот. У 1608 годзе ў Даніі быў выбіты талер
пераймальніцкага характару — лёвендаальдэр, што меў свой узор у галандскім
адпаведніку.


Нідэрландскі рыксдаальдэр (1599)

Даволі рана, у 1523 годзе адбылася эмісія
срэбнага фларына ў Швецыі. V 1534
годзе яго нарматыўная вага павысілася, зраўняўшыся з агульнаеўрапейскай.
Цікавым ёсць факт выпуску ў Швецыі медзяных талераў-плітаў, што распачаўся ў
1633 годзе. Былі эмітаваныя і кратныя наміналы, напрыклад дзесяціталераўка
вагой амаль 20 кілаграмаў. У абарачэнні гэтыя манеты-волаты пачалі замяшчаць
крэдытнымі жэтонамі, а пасля і банкоўкамі. Як буйная манета грашовай сістэмы,
заснаванай на менш каштоўным, чым серабро, метале, медзяны талер спачатку
адпавядаў 1 /2 талера срэбнага, а пазней нават яго траціне.


Патагон бургундскі Альберта і Лізаветы (пачатак
XVII стагоддзя)

Зараз на сайце

Зараз на сайце 0 наведвальнікаў.

Лічыльнікі

Rating All.BY

Статыстыка

-